Gyda chefnogaeth gychwynnol Arweinydd Awtistiaeth Pen-y-bont ar Ogwr, fe wnaeth Hamdden Halo Pen-y-bont ar Ogwr nodi yr hoffent gynnig darpariaeth Nofio Awtistiaeth.
Mae plant awtistig yn 160 gwaith yn fwy tebygol o foddi na’u cyfoedion niwro-nodweddiadol. Felly, mae hyd yn oed yn fwy pwysig nag erioed bod plant ar y sbectrwm awtistiaeth yn dysgu sut i nofio. Fodd bynnag, gall dysgu i nofio fod yn brofiad llawn straen i nifer o blant awtistig. Gall addasu i’r amgylchedd nofio, gyda’i olygfeydd, synau, arogleuon a theimladau gwahanol, fod yn ormod. O’r herwydd, mae 91% o rieni/gofalwyr, wedi gadael y gwasanaethau dyfrol prif ffrwd gan nad ydyw’r gwasanaethau yn deall anghenion eu plant.
Gyda chymorth Gwasanaeth Awtistiaeth Integredig Bae’r Gorllewin, cafodd gwersi penodol Ymchwil Nofio Awtistiaeth eu creu a’u peilota, gan helpu plant i ddysgu i nofio mewn ffordd llawn mwynhad ac sy’n hamddenol, gan osgoi natur fwy swnllyd a gwyllt sesiynau gwersi nofio arferol. Cafodd hyfforddiant, gweithdrefnau, adnoddau a chefnogaeth arbenigol eu rhoi ar waith ar gyfer gwersi nofio sy’n gyfeillgar i unigolion ag awtistiaeth.
